«Իրավունքի Կողմ» ՀԿ-ն հայտարարում է մրցույթ՝ առցանց և անհատական դրամահավաքի զարգացման ու նվիրատվությունների քաղաքականության մշակման համար

«Իրավունքի Կողմ» իրավապաշտպան հասարակական կազմակերպությունը հրավիրում է փորձառու անհատ խորհրդատուների, դրամահավաքի մասնագետների, փորձագիտական թիմերի և կազմակերպությունների ներկայացնել առաջարկներ՝ առցանց դրամահավաքի ռազմավարության (Crowdfunding Strategy) մշակման, նվիրատվությունների քաղաքականության (Donation Policy) մշակման, առցանց դրամահավաքի արշավների (Crowdfunding Campaigns) մշակման և իրականացման, ինչպես նաև անհատական նվիրատվությունների ներգրավման արշավների (Individual Giving Campaigns) մշակման և իրականացման համար։

Մրցույթի նպատակն է զարգացնել «Իրավունքի Կողմ» ՀԿ-ի դրամահավաքի կարողությունները, բազմազանեցնել կազմակերպության ֆինանսավորման աղբյուրները, ընդլայնել անհատ նվիրատուների շրջանակը և ձևավորել երկարաժամկետ ու կիրառելի դրամահավաքի մեխանիզմներ՝ նպաստելով կազմակերպության ֆինանսական կայունությանը։

Աշխատանքի շրջանակը ներառում է ծրագրով հաստատված հետևյալ հիմնական ուղղությունները՝ առցանց դրամահավաքի ռազմավարության մշակում, նվիրատվությունների քաղաքականության մշակում, առցանց դրամահավաքի արշավների մշակում և իրականացում, ինչպես նաև անհատական նվիրատվությունների ներգրավման արշավների մշակում և իրականացում։

Կազմակերպության մասին

«Իրավունքի Կողմ» իրավապաշտպան հասարակական կազմակերպությունը գործունեություն է ծավալում մարդու իրավունքների պաշտպանության, հավասարության խթանման, խտրականության դեմ պայքարի, իրավական աջակցության և հանրային իրազեկման ոլորտներում։

Կազմակերպությունն աշխատում է տարբեր շահառուների, տեղական և միջազգային գործընկերների, պետական կառույցների, քաղաքացիական հասարակության ներկայացուցիչների և համայնքների հետ՝ նպաստելով մարդու իրավունքների պաշտպանությանը, հավասարության ապահովմանը և ժողովրդավարական արժեքների զարգացմանը։

Աշխատանքի նպատակը

Աշխատանքի նպատակն է զարգացնել «Իրավունքի Կողմ» ՀԿ-ի դրամահավաքի կարողությունները և ստեղծել կազմակերպության կողմից հետագայում կիրառելի մեխանիզմներ՝ առցանց և անհատական նվիրատվությունների ներգրավման, նվիրատուների շրջանակի ընդլայնման և ֆինանսավորման աղբյուրների բազմազանեցման համար։

Աշխատանքի շրջանակում պետք է մշակվեն և իրականացվեն հետևյալ չորս հիմնական բաղադրիչները՝

• առցանց դրամահավաքի ռազմավարության (Crowdfunding Strategy) մշակում,
• նվիրատվությունների քաղաքականության (Donation Policy) մշակում,
• առցանց դրամահավաքի արշավների (Crowdfunding Campaigns) մշակում և իրականացում,
• անհատական նվիրատվությունների ներգրավման արշավների (Individual Giving Campaigns) մշակում և իրականացում։

Աշխատանքի շրջանակը

1. Առցանց դրամահավաքի ռազմավարության (Crowdfunding Strategy) մշակում

Կատարողը պետք է մշակի «Իրավունքի Կողմ» ՀԿ-ի առցանց դրամահավաքի ամբողջական և կիրառելի ռազմավարությունը՝ հաշվի առնելով կազմակերպության գործունեության առանձնահատկությունները, արժեքները, թիրախային լսարանները և ֆինանսական կայունության նպատակները։

Ռազմավարությունը պետք է ներառի՝

• կազմակերպության առցանց դրամահավաքի ներկայիս հնարավորությունների և գործիքների գնահատում,
• առցանց դրամահավաքի նպատակների և առաջնահերթությունների սահմանում,
• հիմնական թիրախային լսարանների քարտեզագրում,
• Հայաստանի, սփյուռքի և միջազգային լսարանների ներգրավման հնարավորությունների գնահատում,
• համապատասխան առցանց դրամահավաքի հարթակների և թվային գործիքների ուսումնասիրություն և առաջարկություններ դրանց կիրառման վերաբերյալ,
• դրամահավաքի հնարավոր թեմատիկ ուղղությունների սահմանում,
• տարբեր թիրախային լսարանների համար հիմնական հաղորդագրությունների մշակում,
• դրամահավաքի ֆինանսական նպատակների և չափելի ցուցանիշների սահմանման մոտեցումներ,
• սոցիալական մեդիայի, կազմակերպության կայքի, էլեկտրոնային փոստի և այլ թվային հարթակների օգտագործման մոտեցումներ,
• նոր նվիրատուների ներգրավման մեխանիզմներ,
• գործող նվիրատուների պահպանման և շարունակական ներգրավման մոտեցումներ,
• առցանց դրամահավաքի արշավների պլանավորման և իրականացման մեխանիզմներ,
• արդյունքների մշտադիտարկման և գնահատման ցուցանիշներ,
• առցանց դրամահավաքի հետագա զարգացման վերաբերյալ գործնական առաջարկություններ։

2. Նվիրատվությունների քաղաքականության (Donation Policy) մշակում

Կատարողը պետք է մշակի «Իրավունքի Կողմ» ՀԿ-ի նվիրատվությունների հստակ և կիրառելի քաղաքականությունը, որը կսահմանի կազմակերպության կողմից նվիրատվությունների ընդունման, գնահատման, կառավարման, փաստաթղթավորման և անհրաժեշտության դեպքում մերժման հիմնական սկզբունքներն ու ընթացակարգերը։

Նվիրատվությունների քաղաքականությունը պետք է ներառի՝

• նվիրատվությունների ընդունման ընդհանուր սկզբունքներ,
• ընդունելի և անընդունելի նվիրատվությունների չափորոշիչներ,
• հնարավոր նվիրատուների և նվիրատվությունների գնահատման սկզբունքներ,
• կազմակերպության առաքելությանը, արժեքներին և մարդու իրավունքների սկզբունքներին նվիրատվությունների համապատասխանության գնահատման չափորոշիչներ,
• այն աղբյուրների կամ գործունեության տեսակների սահմանում, որոնցից կազմակերպությունը չի ընդունի նվիրատվություններ,
• շահերի բախման հնարավոր դեպքերի կառավարման սկզբունքներ,
• էթիկական և հեղինակության հետ կապված ռիսկերի գնահատման մեխանիզմներ,
• անանուն նվիրատվությունների ընդունման կամ մերժման պայմաններ,
• խոշոր նվիրատվությունների գնահատման և հաստատման ընթացակարգեր,
• ֆինանսական և ոչ ֆինանսական նվիրատվությունների ընդունման ընթացակարգեր,
• նպատակային նվիրատվությունների ընդունման և օգտագործման սկզբունքներ,
• նվիրատուների անձնական տվյալների և գաղտնիության պաշտպանության սկզբունքներ,
• նվիրատվությունների գրանցման և փաստաթղթավորման ընթացակարգեր,
• նվիրատուների հետ հաղորդակցության և հաշվետվողականության սկզբունքներ,
• նվիրատվությունների մերժման կամ անհրաժեշտության դեպքում վերադարձման ընթացակարգեր,
• քաղաքականության իրականացման պատասխանատվությունների սահմանում,
• քաղաքականության պարբերական վերանայման և թարմացման մեխանիզմներ։

3. Առցանց դրամահավաքի արշավների (Crowdfunding Campaigns) մշակում և իրականացում

Կատարողը պետք է կազմակերպության թիմի հետ համատեղ մշակի և իրականացնի առցանց դրամահավաքի արշավներ՝ հիմնվելով մշակված ռազմավարության և կազմակերպության առաջնահերթությունների վրա։

Աշխատանքը պետք է ներառի՝

• առցանց դրամահավաքի արշավների գաղափարների և թեմաների մշակում,
• յուրաքանչյուր արշավի նպատակի և ակնկալվող արդյունքների սահմանում,
• յուրաքանչյուր արշավի թիրախային լսարանի սահմանում,
• դրամահավաքի ֆինանսական նպատակների սահմանում,
• համապատասխան առցանց հարթակների և գործիքների ընտրություն,
• արշավների հիմնական պատմությունների և հաղորդագրությունների մշակում,
• արշավների էջերի համար անհրաժեշտ տեքստային բովանդակության պատրաստում,
• նվիրատվության հստակ կոչերի և գործողության կոչերի (Call to Action) մշակում,
• սոցիալական մեդիայի համար արշավային բովանդակության մշակում,
• էլեկտրոնային նամակների և նվիրատվության կոչերի պատրաստում,
• արշավների հաղորդակցման և տարածման պլանների մշակում,
• արշավների մեկնարկի կազմակերպում,
• արշավների իրականացման ընթացքում կազմակերպության թիմին գործնական աջակցություն,
• արշավների ընթացքի մշտադիտարկում և անհրաժեշտ փոփոխությունների առաջարկում,
• արշավների արդյունքների գնահատում,
• հետագա առցանց դրամահավաքի արշավների արդյունավետության բարձրացման վերաբերյալ առաջարկությունների ներկայացում։

4. Անհատական նվիրատվությունների ներգրավման արշավների (Individual Giving Campaigns) մշակում և իրականացում

Կատարողը պետք է կազմակերպության թիմի հետ համատեղ մշակի և իրականացնի անհատներին ուղղված դրամահավաքի արշավներ՝ նպատակ ունենալով ընդլայնել կազմակերպության անհատ նվիրատուների շրջանակը և ձևավորել նրանց երկարաժամկետ ներգրավման մեխանիզմներ։

Աշխատանքը պետք է ներառի՝

• հնարավոր անհատ նվիրատուների հիմնական խմբերի քարտեզագրում,
• Հայաստանում, սփյուռքում և միջազգային մակարդակում հնարավոր անհատ նվիրատուների շրջանակների բացահայտում,
• անհատական նվիրատվությունների ներգրավման արշավների գաղափարների մշակում,
• յուրաքանչյուր արշավի թիրախային խմբերի սահմանում,
• տարբեր լսարանների համար համապատասխան հաղորդագրությունների մշակում,
• նոր անհատ նվիրատուների ներգրավման մեխանիզմների մշակում և փորձարկում,
• մեկանգամյա նվիրատվությունների ներգրավման մեխանիզմների մշակում,
• պարբերական նվիրատվությունների (Recurring Donations) խրախուսման մեխանիզմների մշակում,
• փոքր չափի պարբերական նվիրատվությունների ներգրավման մոտեցումների մշակում,
• նվիրատվության կոչերի և պատմությունների պատրաստում,
• անհատ նվիրատուներին ուղղված էլեկտրոնային հաղորդակցության նյութերի մշակում,
• գործող նվիրատուների կրկնակի և պարբերական նվիրատվությունների խրախուսման մոտեցումներ,
• նվիրատուների հետ երկարաժամկետ հարաբերությունների ձևավորման մեխանիզմներ,
• շնորհակալական և հետադարձ կապի հաղորդագրությունների մշակում,
• անհատական դրամահավաքի արշավների իրականացում,
• արշավների արդյունքների մշտադիտարկում և գնահատում,
• հետագա արշավների արդյունավետության բարձրացման վերաբերյալ առաջարկությունների ներկայացում։

Կազմակերպության թիմի կարողությունների զարգացում

Կատարողից ակնկալվում է ոչ միայն վերոնշյալ փաստաթղթերի և արշավների մշակում ու իրականացում, այլև կազմակերպության թիմին անհրաժեշտ գիտելիքների և գործիքների փոխանցում՝ հետագայում դրամահավաքի գործողությունները հնարավորինս ինքնուրույն շարունակելու համար։

Այն պետք է ներառի՝

• կազմակերպության թիմի հետ աշխատանքային հանդիպումներ,
• առցանց դրամահավաքի ռազմավարության ներկայացում և քննարկում,
• նվիրատվությունների քաղաքականության ներկայացում և կիրառման վերաբերյալ խորհրդատվություն,
• առցանց դրամահավաքի արշավների պլանավորման և կառավարման վերաբերյալ գործնական խորհրդատվություն,
• անհատ նվիրատուների ներգրավման և պահպանման վերաբերյալ գործնական խորհրդատվություն,
• մշակված գործիքների և մեխանիզմների հետագա կիրառման վերաբերյալ առաջարկություններ։

Ակնկալվող արդյունքներ

Աշխատանքի ավարտին կազմակերպությունը պետք է ստանա՝

• առցանց դրամահավաքի ամբողջական ռազմավարություն (Crowdfunding Strategy),
• նվիրատվությունների ամբողջական քաղաքականություն (Donation Policy),
• առցանց դրամահավաքի արշավների (Crowdfunding Campaigns) մշակված և իրականացված փաթեթ,
• անհատական նվիրատվությունների ներգրավման արշավների (Individual Giving Campaigns) մշակված և իրականացված փաթեթ,
• առցանց և անհատական դրամահավաքի համար անհրաժեշտ հիմնական հաղորդագրությունների և նյութերի փաթեթ,
• մեկանգամյա և պարբերական նվիրատվությունների ներգրավման մեխանիզմներ,
• նոր նվիրատուների ներգրավման և գործող նվիրատուների պահպանման մեխանիզմներ,
• դրամահավաքի արդյունքների մշտադիտարկման և գնահատման ցուցանիշներ,
• կազմակերպության թիմի համար մշակված գործիքների հետագա կիրառման վերաբերյալ գործնական առաջարկություններ։

Այս չորս հիմնական արդյունքները համապատասխանում են ծրագրի հաստատված փոփոխությամբ սահմանված գործողություններին՝ առցանց դրամահավաքի ռազմավարության և նվիրատվությունների քաղաքականության մշակում, ինչպես նաև առցանց և անհատական նվիրատվությունների ներգրավման արշավների մշակում ու իրականացում։

Պահանջվող որակավորումներ

Թեկնածուները պետք է ունենան՝

• դրամահավաքի, առցանց դրամահավաքի, անհատական նվիրատվությունների կամ հարակից ոլորտներում առնվազն 3 տարվա աշխատանքային փորձ,
• դրամահավաքի ռազմավարությունների մշակման ապացուցելի փորձ,
• առցանց դրամահավաքի արշավների մշակման և իրականացման փորձ,
• անհատ նվիրատուների ներգրավման և պահպանման փորձ,
• նվիրատվությունների քաղաքականությունների կամ համապատասխան ներքին ընթացակարգերի մշակման փորձ,
• թվային հաղորդակցման և սոցիալական մեդիայի միջոցով դրամահավաքի փորձ,
• ռազմավարական մտածողության և վերլուծական աշխատանքի հմտություններ,
• տարբեր թիրախային լսարանների համար դրամահավաքի հաղորդագրություններ մշակելու կարողություն,
• հայերեն և անգլերեն լեզուների գերազանց իմացություն։

Քաղաքացիական հասարակության կազմակերպությունների, մարդու իրավունքների պաշտպանության, միջազգային զարգացման կամ ոչ առևտրային ոլորտներում աշխատանքի փորձը կդիտվի որպես առավելություն։

Դիմելու կարգ

Հետաքրքրված անհատ խորհրդատուները, փորձագիտական թիմերը կամ կազմակերպությունները պետք է ներկայացնեն՝

• տեխնիկական առաջարկ՝ աշխատանքի իրականացման առաջարկվող մեթոդաբանությամբ և ժամանակացույցով,
• գնային առաջարկ,
• ինքնակենսագրական (CV) կամ կազմակերպության ներկայացում,
• համապատասխան աշխատանքային փորձի նկարագրություն,
• նմանատիպ աշխատանքների պորտֆոլիո,
• առնվազն 2-3 իրականացված նմանատիպ աշխատանքի օրինակ,
• հնարավորության դեպքում՝ նախկինում իրականացված առցանց և/կամ անհատական դրամահավաքի արշավների օրինակներ և դրանց արդյունքները։

Փաստաթղթերը պետք է ուղարկել rightsidengo@gmail.com էլեկտրոնային հասցեին՝ նամակի թեմայում նշելով՝

«Առցանց և անհատական դրամահավաքի զարգացման ու նվիրատվությունների քաղաքականության մշակում»

Դիմումների ընդունման վերջնաժամկետ՝ Հոկտեմբերի 20, 2026թ

Կապ կհաստատենք միայն նախնական ընտրացուցակում ընդգրկված թեկնածուների հետ։