Իրավունքի Կողմ իրավապաշտպան ՀԿ-ն տրանս և ԼԳԲԻՔ համայնքին աջակցելու և հզորացնելու նպատակով հայտարարում է համայնքի ներկայացուցիչների համար երկու նոր դասընթացի մեկնարկի մասին։ Ընդունելությունը Անգլերեն և Գրաֆիկ Դիզայնի դասընթացների համար է, որոնք նպատակ ունեն մասնակիցներին տրամադրել անհրաժեշտ հմտություններ և գիտելիքներ նրանց մասնագիտական կյանքը բարելավելու համար:
Յուրաքանչյուր դասընթաց բաղկացած է լինելու շաբաթական երկու խմբային հանդիպումներից՝ յուրաքանչյուրը 1 ժամ տևողությամբ, որոնք տեղի կունենան Իրավունքի Կողմ ՀԿ-ի համայնքային անվտանգ տարածքում: Անգլերեն լեզվի դասընթացը կենտրոնանալու է գործնական լեզվական հմտությունների վրա՝ կարդալ, գրել և խոսել, մինչդեռ Գրաֆիկ դիզայնի դասընթացը մասնակիցներին կներկայացնի դիզայնի սկզբունքները, ծրագրերը և տեխնիկան: Դասընթացներն իրականացվում են Իրավունքի Կողմ ՀԿ-ի կամավորների կողմից և մեկնարկելու են սույն թվականի հունիսի 1-ից։
Դասընթացները բաց են բոլոր Տրանս և ԼԳԲԻՔ անհատների համար, նախապատվությունը կտրվի ավելի վաղ դիմողներին, քանի որ տեղերը սահմանափակ են: Մասնակցել ցանկացողները պետք է դիմեն Իրավունքի Կողմ ՀԿ-ին էլեկտրոնային փոստով կամ հեռախոսով:
Կապ մեզ հետ՝
Հեռ.՝ (+374) 11 880770
Էլ. հասցե՝ rightsidengo@gmail.com
Մայիսի 15, 2023 Հայաստան,Երևան