Invitation to Submit a Price Offer – RSUF01/08/2026

«Իրավունքի Կողմ» իրավապաշտպան հասարակական կազմակերպությունը հրավիրում է հյուրանոցներին և համապատասխան ծառայություններ մատուցող կազմակերպություններին ներկայացնել գնային առաջարկներ՝ «Թվային անվտանգության և անձնական տվյալների պաշտպանության եռօրյա դասընթացի» կազմակերպման և սպասարկման համար։

Միջոցառման մասին

Միջոցառումը նախատեսված է 18 մասնակցի համար և կանցկացվի 2026 թվականի օգոստոսի 24–26-ը։

Պատվիրատուն ակնկալում է, որ առաջարկվող ծառայությունները կներառեն՝

• մասնակիցների կեցության կազմակերպում,
• դասընթացի դահլիճի տրամադրում,
• սննդի կազմակերպում (սուրճի ընդմիջումներ և ճաշ/ընթրիք՝ համաձայն ծրագրի),
• փոխադրման կազմակերպում,
• դասընթացի անցկացման համար անհրաժեշտ տեխնիկական և կազմակերպչական պայմանների ապահովում։

Գնային առաջարկի ներկայացման կարգը

Ստորագրված և կնքված գնային առաջարկները պետք է ներկայացվեն էլեկտրոնային փոստով՝

rightsidengo@gmail.com

Նամակի թեմայի դաշտում նշելով՝

«Գնային առաջարկ – Թվային անվտանգության և անձնական տվյալների պաշտպանության եռօրյա դասընթաց»

Գնային առաջարկը պետք է ներառի՝

• առաջարկվող ծառայությունների մանրամասն նկարագրությունը,
• յուրաքանչյուր ծառայության արժեքը,
• ընդհանուր արժեքը,
• առաջարկվող պայմանները։

Ներկայացման վերջնաժամկետ

2026 թվականի օգոստոսի 20-ը, ժամը 18:00 (Երևանի ժամանակով)։

Սահմանված ժամկետից հետո ներկայացված առաջարկները չեն դիտարկվի։

Որակավորման պահանջներ

Դիմող կազմակերպությունը կամ անհատ ձեռնարկատերը պետք է՝

• ունենա առնվազն 5 տարվա փորձ հյուրանոցային ծառայությունների, աշխատաժողովների կամ միջոցառումների կազմակերպման և սպասարկման ոլորտում,
• ունենա գործող հարկային և իրավաբանական կարգավիճակ (ԱՁ, ՍՊԸ կամ այլ գրանցված կազմակերպություն),
• ապահովի դասընթացի անցկացման համար անհրաժեշտ տեխնիկական և կազմակերպչական պայմանները,
• ունենա նմանատիպ միջոցառումների կազմակերպման և սպասարկման փորձ,
• ցուցաբերի բարձր պատասխանատվություն և ապահովի ծառայությունների որակյալ իրականացումը,
• առաջնորդվի հավասարության, ներառականության և մարդու իրավունքների սկզբունքներով,
• չդրսևորի հոմոֆոբ, տրանսֆոբ կամ որևէ անձի կամ խմբի նկատմամբ խտրական վերաբերմունք։

Կոնտակտային տվյալներ

«Իրավունքի Կողմ» իրավապաշտպան հասարակական կազմակերպություն

(+374) 11 880770

rightsidengo@gmail.com

«Իրավունքի Կողմ» իրավապաշտպան հասարակական կազմակերպությունն իրեն իրավունք է վերապահում չընտրել որևէ առաջարկ, եթե դրանք չեն համապատասխանում հայտարարությամբ սահմանված պահանջներին կամ կազմակերպության կարիքներին։