Դիմումների ընդունում – «Հզորանալ և ազդել» ինֆլուենսերների հանդիպում
«Իրավունքի կողմ» իրավապաշտպան ՀԿ-ն ուրախ է հայտարարել, որ սկսում է դիմումների ընդունում ԼԳԲՏԻՔ+ համայնքի այն անդամների համար, ովքեր ակտիվ են սոցիալական մեդիայում և ունեն ազդեցություն իրենց լսարանի վրա։ Հանդիպման նպատակն է․
• ներկայացնել, թե ինչու է ինտերսեկցիոնալ մոտեցումը կարևոր սոցիալական փոփոխության համար,
• աջակցել մասնակիցներին ավելի լավ հասկանալու ԼԳԲՏԻՔ+ շարժումների պատմությունն ու դրա ընթացիկ մարտահրավերները,
• զարգացնել մասնակիցների պատմելու և իրական փորձառությունները մեդիայի միջոցով ներկայացնելու հմտությունները՝ ատելության խոսքը և ապատեղեկատվությունը կանխելու նպատակով։
Հանդիպումը կանցկացվի օգոստոսի 29-ին, ապահով, ստեղծագործ և ներշնչող միջավայրում։ Մասնակիցները հնարավորություն կունենան աշխատելու փորձագետների հետ և միաժամանակ իրար հետ համագործակցելով՝ ստեղծելու ազդեցիկ մեդիա բովանդակություն։
Ով կարող է դիմել
- Տրանս և ԼԳԲԻՔ համայնքների ներկայացուցիչներ,
- Սոցիալական մեդիայում ակտիվ սկսնակ ինֆլուենսերներ (անկախ հետևորդների թվից),
- Անձինք, ովքեր պատրաստ են մասնակցել ամբողջ հանդիպմանը և տեղում ստեղծել իրական պատմությունների վրա հիմնված բովանդակություն։
Ինչ ենք առաջարկում
- Խորացված թեմատիկ դասընթաց փորձագետների կողմից
- Անվճար փոխադրում, բնակեցում և սնունդ
- Ստեղծագործ և ջերմ միջավայր՝ համատեղ աշխատելու համար
- Յուրաքանչյուր մասնակցի կտրամադրվի միանվագ 38,000 ՀՀ դրամ (ներառյալ հարկերը և պարտադիր վճարները)՝ իրենց ստեղծագործ աշխատանքի դիմաց:
Ինչպես դիմել
Խնդրում ենք լրացնել դիմումի ձևը և ուղարկել մեզ մինչև օգոստոսի 27-ը ներառյալ։
Առավելություն կտրվի այն թեկնածուներին, ովքեր արդեն իսկ իրենց հարթակներում անդրադառնում են ԼԳԲՏԻՔ+ թեմաներին և ցանկանում են ավելի կառուցվածքային/ազդեցիկ կերպով շարունակել այդ գործը։
Եթե ունեք հարցեր, կարող եք գրել մեզ՝ rightsidengo@gmail.com :
Նվիրաբերելով դուք դառնում եք ՏՐԱՆՍ ԼԳԲԻՔ մարդկանց կյանքի և իրավունքի պաշտպանության համախոհ
