«Իրավունքի կողմ» ՀԿ-ն փնտրում է հետազոտող փորձագետի՝ զորակոչի և զինվորական ծառայության ընթացքում ԳԲՏԻՔ անձանց իրավունքների պաշտպանության վերաբերյալ հետազոտություն իրականացնելու համար

Կազմակերպություն. «Իրավունքի կողմ» իրավապաշտպան հասարակական կազմակերպություն
Աշխատանքի ձևաչափ. համագործակցություն ծրագրի թիմի և ԳԲՏԻՔ անձանց հետ
Տևողություն. 2026 թ․ հունվարի 15 - 2026 թ․ մարտի 15
Դիմումների ընդունման վերջնաժամկետ.  2026 թ. հունվարի 10, ժամը 18:00 (Երևանի ժամանակով)

Ծրագրի նկարագրություն

«Իրավունքի կողմ» ՀԿ-ն նախատեսում է իրականացնել համապարփակ հետազոտություն՝ ուղղված զորակոչի և զինվորական ծառայության ընթացքում ԳԲՏԻՔ անձանց նկատմամբ իրավունքների խախտումների, խտրականության և բռնության բացահայտմանը։ Հետազոտությունը նպատակ ունի փաստագրել համակարգային և պետական մակարդակում առկա խոչընդոտները ԳԲՏԻՔ անձանց անվտանգության, արժանապատվության և իրավունքների իրացման գործընթացում։
 

Հետազոտության արդյունքները նախատեսվում է ներկայացնել զեկույցի տեսքով, որը կծառայի որպես շահերի պաշտպանության և քաղաքականությունների բարեփոխման գործիք, ինչպես նաև կնպաստի ԳԲՏԻՔ անձանց ներառմանը «Կանայք, խաղաղություն և անվտանգություն» օրակարգում։

Այս փուլում մենք ակնկալում ենք, որ փորձագետը կկենտրոնանա հետազոտության առաջին փուլի աշխատանքների վրա:

Նպատակ և աշխատանքների շրջանակ. առաջին փուլ

Փորձագետը պետք է իրականացնի հետևյալ աշխատանքները.

• Մշակել հետազոտության ընդհանուր մեթոդաբանությունը 

• Պատրաստել հարցաթերթիկներ, հարցազրույցների ուղեցույցներ և տվյալների հավաքագրման այլ գործիքներ

• Նախապատրաստել տվյալների հավաքագրման մեխանիզմները, ներառյալ.

  • կամավորների միջոցով իրավունքների խախտումների փաստագրման մոտեցումները

  • մարդու իրավունքների պաշտպանությամբ զբաղվող կազմակերպություններին ուղղված հարցաթերթիկները

  • անվտանգ և անանուն առցանց հաղորդման համակարգի տրամաբանությունը

• Սկսել տվյալների հավաքագրումը առաջին փուլի շրջանակում

• Ապահովել էթիկական մոտեցում, տվյալների գաղտնիություն, և մասնակիցների անվտանգություն

• Սերտորեն համագործակցել ծրագրի թիմի հետ 

Արդյունքներ

• Հետազոտության մեթոդաբանություն

• Հարցաթերթիկների և հետազոտական գործիքների ամբողջական փաթեթ

• Տվյալների հավաքագրման պլան

• Առաջին փուլում հավաքագրված նախնական տվյալների ամփոփում

• Առաջին փուլի իրականացման վերաբերյալ կարճ հաշվետվություն

Պահանջվող որակավորումներ

• Փորձ մարդու իրավունքների, գենդերային հավասարության, ԼԳԲՏԻՔ իրավունքների ոլորտում

• Որակական և քանակական հետազոտությունների իրականացման փորձ

• Զինվորական հաստատությունների հետ աշխատանքի փորձը կդիտվի որպես առավելություն

• Զգայուն թեմաների շուրջ էթիկական աշխատանքի կարողություն

• Վերլուծական և գրավոր հմտություններ

• Հայերենի գերազանց իմացություն 

• Ժամկետների պահպանման և թիմային աշխատանքի հմտություն

Ինչպես դիմել

Դիմելու համար անհրաժեշտ է ուղարկել

• Ինքնակենսագրություն

• Գնային առաջարկ 

• Կարճ տեխնիկական առաջարկ՝ մեթոդաբանական մոտեցման և գործիքների մշակման նկարագրությամբ

• Նախորդ համանման աշխատանքի օրինակ կամ հղում

Դիմումներն ուղարկել էլեկտրոնային փոստով՝ rightsidengo@gmail.com հասցեին՝ նամակի վերնագրում նշելով «Փորձագետ – ԳԲՏԻՔ անձանց վերաբերյալ հետազոտություն»

Վճարման պայմաններ

Վճարումը կկատարվի փուլային՝ համաձայն պայմանագրի․

• 50%՝ մեթոդաբանության և կառուցվածքի հաստատումից հետո,

• 50%՝ առաջին փուլի արդյունքների ընդունումից հետո: