Նիկիտա, մենք քեզ երբեք չենք մոռանա, լույսերի և խաղաղության մեջ մնաս
Մենք կորցրեցինք ևս մեկ տրանս ակտիվիստ։
Օրեր առաջ իր բնակարանում մահացել է Նիկիտա Ենգիբարյանը։
Նիկիտան տրանս ակտիվիստ էր ով տարիներ շարունակ բարձրաձայնում էր մեր համայնքի խնդիրները՝ խոսելով համակարգային անարդարության, մերժման ու խտրականության մասին։
Նրա մարմինը միայն երեկ երեկոյան է հայտնաբերվել իր բնակարանում՝ մեր համայնքի անդամներից մեկի կողմից։
Սա ծանր, դաժան ու անընդունելի կորուստ է տրանս համայնքի համար։
Տրանս համայնքը խոր ցավով է վերապրում այս կորուստը։
«Իրավունքի կողմ» ՀԿ-ի թիմը կապի մեջ է Նիկիտայի ընտանիքի անդամների հետ և կանգնած է նրանց կողքին այս դժվարին պահին։
Նշենք, որ այս պահի դրությամբ Նիկիտայի մահվան հանգամանքները դեռ պարզված չեն։
Չնայած ներկայում քննարկվում է ինքնասպանության վարկածը, իրավապահ մարմինների քննությունը շարունակվում է՝ այդ թվում՝ պարզելու՝ արդյոք սա եղել է ինքնասպանություն, թե ինքնասպանության հասցնելու դեպք։
Ոստիկանության և դատաբժշկական նախնական տվյալների համաձայն՝ Նիկիտայի մարմնի վրա բռնության հետքեր չեն հայտնաբերվել։
Մեր իրավաբանական թիմը կապի մեջ է իրավապահ մարմինների հետ, և մենք կհաղորդենք հավելյալ մանրամասներ՝ ըստ քննության ընթացքի։
Հոգեհանգստի և հուղարկավորության մասին տեղեկություն կտրամադրենք ծնողների համաձայնությամբ։
Լույսերի և խաղաղության մեջ մնաս, Նիկիտա։
Քեզ չենք մոռանա։
Նվիրաբերելով դուք դառնում եք ՏՐԱՆՍ ԼԳԲԻՔ մարդկանց կյանքի և իրավունքի պաշտպանության համախոհ
