Սեքս աշխատողների իրավունքների պաշտպանություն և աջակցություն

Ծրագրի շրջանակներում նախատեսվում է՝

• Իրականացնել դասընթաց «Իրավական գիտելիքներ և ինքնապաշտպանություն» թեմայով, որի նպատակն է սեքս աշխատողներին տրամադրել իրենց իրավունքների պաշտպանության, անձնական անվտանգության ռազմավարությունների և ինքնապաշտպանության հմտությունների վերաբերյալ հիմնարար գիտելիքներ։

• Իրականացնել դասընթաց «Թվային անվտանգություն և գաղտնիություն» թեմայով, որի նպատակն է մասնակիցներին տրամադրել կիբերանվտանգության հիմնական գիտելիքներ, անձնական և գաղտնի տեղեկատվության պաշտպանության հմտություններ, ինչպես նաև թվային միջավայրում հոգեկան և ֆիզիկական անվտանգության պահպանման միջոցներ։ Դասընթացի ընթացքում մասնակիցները կսովորեն, թե ինչպես պաշտպանվել զեղծարարություններից և կիբերհանցագործություններից, որոնք հաճախ ուղղված են նրանց նկատմամբ՝ տեղեկատվության և կրթության պակասի պատճառով։

• Իրականացնել համայնքային հանդիպումներ կազմակերպության կոնֆերանս սրահում, որոնք կդառնան անվտանգ տարածք, որտեղ սեքս աշխատողները կկարողանան կիսվել իրենց կյանքում հանդիպած դժվարությունների, բռնությունների և խտրականության դեպքերի մասին։ Այս հանդիպումները հնարավորություն կտան մասնակիցներին ստանալ իրավաբանի և հոգեբանի աջակցություն, ինչպես նաև շարունակել կրթությունը մարդու իրավունքների, անձնական անվտանգության և ինքնապաշտպանության վերաբերյալ։ Նախաձեռնությունը միաժամանակ կնպաստի համայնքային կապերի ամրապնդմանը և փոխաջակցության մշակույթի ձևավորմանը։