Գնային առաջարկ ներկայացնելու հրավեր RSAST16/11/2026
«Իրավունքի կողմ» իրավապաշտպան հասարակական կազմակերպությունը հրավիրում է հյուրանոցներին և համապատասխան ծառայություններ մատուցող կազմակերպություններին ներկայացնելու գնային առաջարկներ՝ «Կազմակերպության ռազմավարական զարգացման և կարողությունների հզորացման դասընթացի» կազմակերպման և սպասարկման համար։
Միջոցառման մասին
«Կազմակերպության ռազմավարական զարգացման և կարողությունների հզորացման դասընթացը» (Strategic Organizational Development and Capacity-Building Training) նախատեսված է «Իրավունքի կողմ» ՀԿ-ի թիմի անդամների և կամավորների համար։
Դասընթացի նպատակն է նպաստել կազմակերպության ռազմավարական զարգացմանը, ներքին կարողությունների ամրապնդմանը և թիմային համագործակցության արդյունավետության բարձրացմանը։
Պատվիրատուն ակնկալում է, որ առաջարկվող ծառայությունները կներառեն՝
- Մասնակիցների կեցության կազմակերպում։
- Դասընթացի անցկացման համար համապատասխան, տեխնիկապես հագեցած դահլիճի տրամադրում։
- Սննդի կազմակերպում՝ նախաճաշ, ճաշ, ընթրիք և սուրճի ընդմիջումներ։
- Մասնակիցների երկկողմանի փոխադրման կազմակերպում։
- Դասընթացի անցկացման համար անհրաժեշտ տեխնիկական և կազմակերպչական պայմանների ապահովում։
Ծառայությունների վերջնական ծավալը և կազմակերպչական մանրամասները կհամաձայնեցվեն ընտրված ծառայություն մատուցողի հետ։
Գնային առաջարկի ներկայացման կարգը
Ստորագրված և կնքված (կնիքի առկայության դեպքում) գնային առաջարկները կարող են ներկայացվել՝
- Էլեկտրոնային փոստով՝ rightsidengo@gmail.com հասցեին։
- Անձամբ՝ «Իրավունքի կողմ» ՀԿ-ի գրասենյակ՝ նախապես զանգահարելով (+374) 11 880770 հեռախոսահամարով և համաձայնեցնելով այցելության օրը և ժամը։
Էլեկտրոնային նամակի թեմայի դաշտում նշել՝
«Գնային առաջարկ – Կազմակերպության ռազմավարական զարգացման և կարողությունների հզորացման դասընթաց»
Գնային առաջարկը պետք է ներառի՝
- Առաջարկվող ծառայությունների մանրամասն նկարագրությունը։
- Յուրաքանչյուր ծառայության արժեքը՝ ՀՀ դրամով։
- Ծառայությունների ընդհանուր արժեքը՝ ՀՀ դրամով։
- Առաջարկվող պայմանները։
- Տեղեկատվություն ԱԱՀ-ի կիրառելիության վերաբերյալ։
Գնային առաջարկների ներկայացման վերջնաժամկետ
2026 թվականի դեկտեմբերի 2-ը։
Սահմանված ժամկետից հետո ներկայացված գնային առաջարկները չեն դիտարկվի։
Որակավորման պահանջներ
Դիմող կազմակերպությունը կամ անհատ ձեռնարկատերը պետք է՝
- Ունենա հյուրանոցային ծառայությունների, դասընթացների կամ նմանատիպ միջոցառումների կազմակերպման և սպասարկման փորձ։
- Ունենա գործող հարկային և իրավական կարգավիճակ (ԱՁ, ՍՊԸ կամ այլ գրանցված կազմակերպություն)։
- Ապահովի դասընթացի անցկացման համար անհրաժեշտ տեխնիկական և կազմակերպչական պայմանները։
- Ապահովի առաջարկվող ծառայությունների բարձր որակ։
- Ցուցաբերի պատասխանատվություն և ապահովի ծառայությունների իրականացումը համաձայնեցված պայմաններով։
- Ապահովի մասնակիցների անձնական տվյալների և միջոցառման վերաբերյալ տրամադրված տեղեկատվության գաղտնիությունը։
- Առաջնորդվի հավասարության, ներառականության և մարդու իրավունքների սկզբունքներով։
- Չդրսևորի հոմոֆոբ, տրանսֆոբ կամ որևէ անձի կամ խմբի նկատմամբ խտրական վերաբերմունք։
Կոնտակտային տվյալներ
«Իրավունքի կողմ» իրավապաշտպան հասարակական կազմակերպություն
Հեռախոս՝ (+374) 11 880770
Էլեկտրոնային փոստ՝ rightsidengo@gmail.com
«Իրավունքի կողմ» իրավապաշտպան հասարակական կազմակերպությունն իրեն իրավունք է վերապահում չընտրել որևէ առաջարկ, եթե դրանք չեն համապատասխանում հայտարարությամբ սահմանված պահանջներին կամ կազմակերպության կարիքներին։