«Իրավունքի Կողմ» իրավապաշտպան հասարակական կազմակերպությունը հրավիրում է դիմելու Հանրային կապերի և հաղորդակցման մասնագետի (կես դրույք) հաստիքի համար։

Մենք փնտրում ենք ստեղծագործ, նախաձեռնող և պատասխանատու մասնագետի, որը կօգնի բարձրացնել կազմակերպության տեսանելիությունը, ամրապնդել հանրային կապերը և ապահովել կազմակերպության գործունեության արդյունավետ հաղորդակցությունը։ Եթե սիրում եք  ստեղծել ազդեցիկ բովանդակություն, աշխատել թվային հարթակների հետ և ցանկանում եք ձեր մասնագիտական փորձը ներդնել մարդու իրավունքների պաշտպանության ոլորտում, ապա սպասում ենք ձեր դիմումին։

Հիմնական պարտականությունները

• Մշակել և իրականացնել կազմակերպության հանրային կապերի և հաղորդակցման աշխատանքները։
• Կառավարել և պարբերաբար թարմացնել կազմակերպության պաշտոնական կայքը։
• Վարել կազմակերպության սոցիալական մեդիայի հարթակները (Facebook, Instagram, LinkedIn, YouTube և այլ հարթակներ)։
• Մշակել և իրականացնել սոցիալական մեդիայի բովանդակության պլան։
• Ստեղծել գրավոր, տեսողական և վիդեո բովանդակություն՝ նորություններ, հոդվածներ, հայտարարություններ, հարցազրույցներ, հաջողության և ազդեցության պատմություններ։
• Ստեղծել սոցիալական մեդիայի հրապարակումներ, ինֆոգրաֆիկաներ, բաններներ, շնորհանդեսներ և այլ հաղորդակցման նյութեր  դիզայներական գործիքների միջոցով։
• Նկարահանել, մոնտաժել և հրապարակել Reels, կարճ տեսանյութեր և այլ թվային բովանդակություն։
• Լուսաբանել կազմակերպության միջոցառումները, ծրագրերը, հանդիպումները և հանրային նախաձեռնությունները։
• Պատրաստել մամուլի հաղորդագրություններ, պաշտոնական հայտարարություններ, տեղեկատվական նյութեր և այլ հաղորդակցման բովանդակություն։
• Համագործակցել լրատվամիջոցների, գործընկեր կազմակերպությունների և այլ շահագրգիռ կողմերի հետ։
• Աջակցել հանրային իրազեկման և շահերի պաշտպանության արշավների հաղորդակցման աշխատանքներին։
• Հետևել կայքի և սոցիալական մեդիայի ցուցանիշներին, վերլուծել արդյունքները և առաջարկել բարելավման լուծումներ։
• Ապահովել կազմակերպության բրենդային ոճի և հաղորդակցման սկզբունքների հետևողական կիրառումը բոլոր հարթակներում։
• Կատարել պաշտոնին առնչվող այլ հանձնարարություններ։

Պահանջվող որակավորումներ

• Բարձրագույն կրթություն հանրային կապերի, հաղորդակցման, լրագրության, մարքեթինգի կամ հարակից ոլորտներում։
• Առնվազն 2 տարվա աշխատանքային փորձ հանրային կապերի, հաղորդակցման կամ թվային մարքեթինգի ոլորտում։
• Հայերեն լեզվի գերազանց գրավոր և բանավոր իմացություն։
• Անգլերեն լեզվի լավ կամ գերազանց իմացություն (գրավոր և բանավոր)։
• Սոցիալական մեդիայի հարթակների և դրանց կառավարման գործիքների լավ իմացություն։
• Գրաֆիկական ծրագրերի հետ աշխատելու հմտություններ։
• Կարճ տեսանյութերի նկարահանման և մոնտաժի փորձ։
• WordPress կամ այլ բովանդակության կառավարման համակարգերի (CMS) հետ աշխատելու փորձը կդիտվի որպես առավելություն։
• Ստեղծագործ մտածողություն, նախաձեռնողականություն և նոր գաղափարներ առաջարկելու կարողություն։
• Պատասխանատվության բարձր զգացում, ժամանակի արդյունավետ կառավարում և թիմում աշխատելու կարողություն։

Առավելություն կհամարվի

• Քաղաքացիական հասարակության կազմակերպություններում, միջազգային կազմակերպություններում կամ մարդու իրավունքների ոլորտում աշխատանքի փորձը։
• Հաղորդակցման ռազմավարությունների, հանրային իրազեկման արշավների կամ թվային հաղորդակցության ոլորտում աշխատանքի փորձը։
• Meta Business Suite, Google Analytics, WordPress և այլ թվային գործիքների հետ աշխատելու փորձը։
• Լուսանկարահանման, տեսանկարահանման և տեսանյութերի մոնտաժի լրացուցիչ հմտությունները։
• «Իրավունքի Կողմ» ՀԿ-ի առաքելությանը և գործունեության ուղղություններին համապատասխան՝ հավասար որակավորումների և մասնագիտական փորձի դեպքում առավելությունը կտրվի ԼԳԲՏԻՔ+ համայնքի անդամ թեկնածուներին։

Մենք առաջարկում ենք

•  
• Կես դրույքով աշխատանք՝ ճկուն աշխատանքային գրաֆիկով։
• Արժեքահեն, ներառական և աջակցող աշխատանքային միջավայր։
• Մասնագիտական աճի, վերապատրաստումների և շարունակական զարգացման հնարավորություններ։
• Մասնակցություն մարդու իրավունքների պաշտպանության և սոցիալական արդարության խթանման կարևոր նախաձեռնություններին։
• Մասնակցության հնարավորություն միջազգային սեմինարների, կոնֆերանսների, վերապատրաստումների, փոխանակման ծրագրերի և այլ մասնագիտական միջոցառումների՝ ծրագրային հնարավորությունների առկայության դեպքում։
• Ծառայության մատուցման պայմանագրի դեպքում՝ տարեկան 20–21 աշխատանքային օր վճարովի արձակուրդ։
• Տարեկան 1–2 անգամ թիմային վերականգնման, թիմային զարգացման և ռազմավարական պլանավորման միջոցառումների մասնակցության հնարավորություն։

Դիմելու կարգ

Հետաքրքրված թեկնածուներին խնդրում ենք ուղարկել՝

• ինքնակենսագրական (CV),
• մոտիվացիոն նամակ,
• պորտֆոլիո կամ նախորդ աշխատանքների հղումներ (առկայության դեպքում)։

rightsidengo@gmail.com

Նամակի թեմայում նշեք՝ «Հանրային կապերի և հաղորդակցման մասնագետ»։

Դիմումների ընդունման վերջնաժամկետ՝ օգոստոսի 20-ը ներառյալ։

Կապ կհաստատվի միայն նախնական ընտրությունն անցած թեկնածուների հետ։