«Իրավունքի կողմ» ՀԿ-ն փնտրում է փորձագետի՝ ԳԲՏԻՔ զորակոչիկների իրավունքների վերաբերյալ ձեռնարկի մշակման համար։

Կազմակերպություն․ «Իրավունքի կողմ» իրավապաշտպան հասարակական կազմակերպություն
Ծրագրի գործընկեր-ֆինանսավորող․ Institute for War and Peace Reporting (IWPR)
Աշխատանքի ձևաչափ․ նոյեմբերին մասնակցել ծրագրի շրջանակներում իրականացվող ակադեմիային և հետագայում հեռավար համագործակցել ծրագրային թիմի հետ
Տևողություն․ 2025 թ. նոյեմբերի 20 – 2026 թ. հունվարի 31
Դիմելու վերջնաժամկետ․ 2025 թ. նոյեմբերի 18, ժամը 16:00 (Երևանի ժամանակով)

«Իրավունքի կողմ» ՀԿ-ն IWPR-ի ֆինանսական աջակցությամբ նախատեսում է մշակել «ԳԲՏԻՔ զորակոչիկների իրավունքներլ․ ինչ է անհնրաժեշտ իմանալ» տեղեկատվական ձեռնարկը՝ նախատեսված ԳԲՏԻՔ զորակոչի ենթակա անձանց համար։ Ձեռնարկը պետք է ներկայացնի զորակոչի ընթացքում առկա գործընթացները, իրավունքներն ու պարտականությունները, ինչպես նաև կհանդիասնա գործնական ուղեցույց՝ իրավունքների խախտման դեպքում ձեռնարկվող քայլերի վերաբերյալ։ Այն կլինի հասանելի առցանց և տպագիր տարբերակով։

Նպատակ և աշխատանքների շրջանակ

Ընտրվող փորձագետը պետք է իրականացնի հետևյալ աշխատանքները․

1. Մասնակցել նոյեմբերին կայանալիք ակադեմիային, հավաքագրել մասնակիցների կողմից բարձրացված խնդիրներն ու բացերը՝ կապված զորակոչիկների իրավունքների և ընթացակարգերի հետ։
2. Իրականացնել վերլուծություն հետևյալ հիմնական ուղղություններով․
   • զորակոչի փուլերում դիմելու մարմիններն ու համապատասխան ընթացակարգերը,
   • զորակոչիկների իրավունքներն ու պարտականությունները,
   • ազատման կամ հետաձգման հիմքերը,
   • իրավունքների խախտման հնարավոր դեպքերը,
   • գործելու քայլերը՝ խախտման դեպքում։
3. Մշակել ձեռնարկի բովանդակությունն ու կառուցվածքը՝ օգտագործելով պարզ, մատչելի և իրավականորեն հիմնավորված լեզու։
4. Համագործակցել ծրագրի թիմի հետ, ապահովելով ձեռնարկի բովանդակության վերջնական տարբերակը՝ տպագրության և տարածման համար։

Արձանագրելի արդյունքներ

1. Մեթոդաբանություն և տվյալների հավաքագրման պլան։
2. Ակադեմիայի ընթացքում հավաքագրված խնդիրների վերլուծություն։
3. Բովանդակության նախնական կառուցվածք (ToC)։
4. Ձեռնարկի սևագիր տարբերակ՝ թիմի վերանայման համար։
5. Վերջնական բովանդակություն՝ պատրաստ դիզայնի և տպագրության համար։
6. Տպագրական փաթեթի պահանջների ցուցակ։

Ժամկետներ

Աշխատանքային շրջան՝ նոյեմբերի 20, 2025 – հունվար, 2026
Վերջնական բովանդակություն՝ հունվար 31, 2026
Տպագրություն՝ մարտ 2026

Պահանջվող որակավորումներ

• Փորձ մարդու իրավունքների կամ իրավական վերլուծության ոլորտում։
• Զորակոչի և զինվորական ծառայության օրենսդրության իմացություն՝ կդիտվի որպես առավելություն։
• Ուղեցույցների կամ բրոշյուրների մշակման փորձ։
• Հետազոտական և վերլուծական հմտություններ։
• Հայերենի և անգլերենի գերազանց տիրապետում։
• Պատասխանատվություն և ժամկետների պահպանման հմտություն։

Ի՞նչպես դիմել

Դիմելու համար անհրաժեշտ է ուղարկել ինքնակենսագրություն, գնային առաջարկ, կարճ տեխնիկական առաջարկ (մեթոդաբանություն, բովանդակության մոտեցում, կառուցվածքի նախնական տարբերակ), նախորդ համանման աշխատանքի օրինակ կամ հղում։

Դիմումները ուղարկել էլեկտրոնային փոստով՝ վերնագրով “GBTIQ Guide – Expert” rightsidengo@gmail.com հասցեին։
Վերջնաժամկետ՝ 2025 թ. նոյեմբերի 18, ժամը 16:00, Երևանի ժամանակ։

Վճարման պայմաններ

Վճարումը կկատարվի փուլային՝ համաձայն պայմանագրի․

• 50%՝ մեթոդաբանության և կառուցվածքի հաստատումից հետո,
• 50%՝ վերջնական բովանդակության ընդունումից հետո։