Գնային առաջարկ ներկայացնելու հրավեր RSRFL01/10/2026

«Իրավունքի Կողմ» իրավապաշտպան հասարակական կազմակերպությունը հրավիրում է համապատասխան ծառայություններ մատուցող կազմակերպություններին և անհատ ձեռնարկատերերին ներկայացնել գնային առաջարկներ՝ 2026 թվականի հոկտեմբերի 23–25-ը նախատեսվող եռօրյա միջոցառման կազմակերպման և սպասարկման համար։

Միջոցառման մասին

Միջոցառումը նախատեսված է 15 մասնակցի համար և կանցկացվի 2026 թվականի հոկտեմբերի 23–25-ը։

Պատվիրատուն ակնկալում է, որ առաջարկվող ծառայությունները կներառեն՝

• մասնակիցների կեցության կազմակերպում,
• միջոցառման համար համապատասխան դահլիճի տրամադրում,
• սննդի կազմակերպում՝ համաձայն նախապես համաձայնեցված ծրագրի,
• սուրճի ընդմիջումների կազմակերպում,
• մասնակիցների փոխադրման կազմակերպում,
• միջոցառման անցկացման համար անհրաժեշտ տեխնիկական և կազմակերպչական պայմանների ապահովում։

Գնային առաջարկի ներկայացման կարգը

Ստորագրված և կնքված գնային առաջարկները կարող են ներկայացվել՝

• էլեկտրոնային եղանակով՝ ուղարկելով rightsidengo@gmail.com էլեկտրոնային փոստի հասցեին, կամ
• առձեռն՝ ներկայացնելով «Իրավունքի Կողմ» իրավապաշտպան հասարակական կազմակերպության գրասենյակ։

Էլեկտրոնային եղանակով ներկայացնելու դեպքում նամակի թեմայի դաշտում անհրաժեշտ է նշել՝

«Գնային առաջարկ – եռօրյա միջոցառման կազմակերպում և սպասարկում»։

Առձեռն ներկայացվող գնային առաջարկը պետք է ներկայացվի փակ ծրարով, որի վրա նշված կլինի՝ «Գնային առաջարկ – եռօրյա միջոցառման կազմակերպում և սպասարկում»։

Գնային առաջարկը պետք է ներառի՝

• առաջարկվող ծառայությունների մանրամասն նկարագրությունը,
• կեցության պայմանների նկարագրությունը,
• սննդի կազմակերպման պայմանները,
• դահլիճի և տրամադրվող տեխնիկական միջոցների նկարագրությունը,
• փոխադրման պայմանները,
• յուրաքանչյուր ծառայության արժեքը,
• ընդհանուր արժեքը՝ ներառյալ կիրառելի հարկերն ու վճարները,
• առաջարկվող այլ պայմանները։

Ներկայացման վերջնաժամկետ

2026 թվականի հոկտեմբերի 19-ը, ժամը 18:00 (Երևանի ժամանակով)։

Սահմանված ժամկետից հետո ներկայացված առաջարկները չեն դիտարկվի։

Որակավորման պահանջներ

Դիմող կազմակերպությունը կամ անհատ ձեռնարկատերը պետք է՝

• ունենա նմանատիպ միջոցառումների կազմակերպման և սպասարկման համապատասխան փորձ,
• ունենա գործող հարկային և իրավաբանական կարգավիճակ՝ ԱՁ, ՍՊԸ կամ այլ գրանցված կազմակերպություն,
• կարողանա ապահովել 15 մասնակցի համար անհրաժեշտ կեցության, սննդի և միջոցառման անցկացման պայմանները,
• ապահովի անհրաժեշտ տեխնիկական և կազմակերպչական պայմանները,
• ցուցաբերի բարձր պատասխանատվություն և ապահովի ծառայությունների որակյալ ու ժամանակին մատուցումը,
• ապահովի պատվիրատուի և միջոցառման մասնակիցների վերաբերյալ իրեն հասանելի դարձած տեղեկատվության գաղտնիությունը,
• առաջնորդվի հավասարության, ներառականության և մարդու իրավունքների սկզբունքներով,
• չդրսևորի հոմոֆոբ, տրանսֆոբ կամ որևէ անձի կամ խմբի նկատմամբ խտրական վերաբերմունք։

Կոնտակտային տվյալներ

«Իրավունքի Կողմ» իրավապաշտպան հասարակական կազմակերպություն

Հեռ․ (+374) 11 880770
Էլ․ փոստ՝ rightsidengo@gmail.com

«Իրավունքի Կողմ» իրավապաշտպան հասարակական կազմակերպությունն իրեն իրավունք է վերապահում չընտրել որևէ առաջարկ, եթե ներկայացված առաջարկները չեն համապատասխանում հայտարարությամբ սահմանված պահանջներին կամ կազմակերպության կարիքներին։