Իրավունքի Կողմ» ՀԿ-ն հայտարարում է մրցույթ՝ բրենդավորման և հաղորդակցման ռազմավարության մշակման համար

«Իրավունքի Կողմ» իրավապաշտպան հասարակական կազմակերպությունը հրավիրում է փորձառու անհատ խորհրդատուների, հաղորդակցման և բրենդինգի մասնագետների, ստեղծագործական թիմերի և կազմակերպությունների ներկայացնել առաջարկներ կազմակերպության բրենդավորման, սոցիալական մեդիայի ռազմավարության և համապարփակ հաղորդակցման ռազմավարության մշակման համար։

Մրցույթի նպատակն է ուժեղացնել կազմակերպության տեսանելիությունը, ապահովել միասնական և ազդեցիկ հաղորդակցություն, բարձրացնել կազմակերպության ճանաչելիությունը, ինչպես նաև ձևավորել կազմակերպության արժեքներին և գործունեությանը համապատասխան բրենդային և հաղորդակցման համակարգ։

Կազմակերպության մասին

«Իրավունքի Կողմ» իրավապաշտպան հասարակական կազմակերպությունը գործունեություն է ծավալում մարդու իրավունքների պաշտպանության, հավասարության խթանման, խտրականության դեմ պայքարի, իրավական աջակցության և հանրային իրազեկման ոլորտներում։ Կազմակերպությունն աշխատում է տարբեր շահառուների, տեղական և միջազգային գործընկերների, պետական կառույցների, քաղաքացիական հասարակության ներկայացուցիչների և համայնքների հետ՝ նպաստելով մարդու իրավունքների պաշտպանությանն ու ժողովրդավարական արժեքների զարգացմանը։

Աշխատանքի նպատակը

Մշակել «Իրավունքի Կողմ» ՀԿ-ի բրենդբուքը, սոցիալական մեդիայի ռազմավարությունը և համապարփակ հաղորդակցման ռազմավարությունը՝ կազմակերպության գործունեության, արժեքների և հանրային դերակատարման առավել արդյունավետ, հետևողական և ճանաչելի ներկայացումն ապահովելու նպատակով։ Աշխատանքի արդյունքում կազմակերպությունը պետք է ստանա կիրառելի ուղեցույցներ, ռազմավարական փաստաթղթեր և վիզուալ հաղորդակցման նյութերի ձևաչափեր՝ տարբեր լսարանների հետ հաղորդակցությունն առավել արդյունավետ կազմակերպելու համար։

Աշխատանքի շրջանակը

1. Կազմակերպության ներկայիս հաղորդակցման և  հանրային ներկայացվածության  գնահատում

Կատարողը պետք է իրականացնի կազմակերպության գործող հաղորդակցման գործիքների և հանրային ներկայացվածության գնահատում, ներառյալ՝

• կազմակերպության պաշտոնական կայքի վերլուծություն,
• սոցիալական մեդիայի էջերի գնահատում,
• առկա լսողական և տեսողական նյութերի ուսումնասիրություն,
• հաղորդակցման ներկայիս մոտեցումների գնահատում,
• ներգրավվածության, հասանելիության և հաղորդակցման արդյունավետության վերլուծություն,
• ուժեղ և թույլ կողմերի բացահայտում,
• բարելավման ուղղություններով առաջարկությունների մշակում։

2. Բրենդբուքի (Brandbook) մշակում

Բրենդբուքը պետք է ներառի՝

• կազմակերպության բրենդային դիրքավորման սահմանում,
• առաքելության, տեսլականի և արժեքների ներկայացման սկզբունքներ,
• հիմնական հաղորդագրությունների (Key Messages) մշակում,
• հաղորդակցման ոճի և տոնայնության (Tone of Voice) սահմանում,
• տեսողական և լսողական կիրառման կանոններ,
• գունային համակարգի (Color Palette) մշակում և կիրառման ուղեցույց,
• տառատեսակների (Typography) ընտրություն և կիրառման կանոններ,
• լոգոտիպի կիրառման ուղեցույցներ,
• գրաֆիկական տարրերի և պատկերային ոճի սահմանում,
• լուսանկարների և տեսանյութերի օգտագործման սկզբունքներ,
• բրենդային նյութերի և հրապարակումների ձևավորման չափորոշիչներ,
• սոցիալական մեդիայի և թվային հարթակների համար բրենդային ուղեցույցներ,
• ներկայացումների, փաստաթղթերի և պաշտոնական նյութերի ձևավորման սկզբունքներ։

3. Սոցիալական մեդիայի ռազմավարության մշակում

Կատարողը պետք է՝

• իրականացնի Facebook, Instagram, LinkedIn, YouTube և կազմակերպության կողմից կիրառվող այլ հարթակների գնահատում,
• վերլուծի լսարանների ներգրավվածությունը և բովանդակության արդյունավետությունը,
• սահմանի սոցիալական մեդիայի զարգացման ռազմավարական ուղղությունները,
• մշակի բովանդակության հիմնական թեմատիկ ուղղություններ,
• առաջարկի ներգրավվածության և հասանելիության բարձրացման գործիքներ,
• սահմանի հրապարակումների կառուցվածքը և մոտեցումները,
• մշակի սոցիալական մեդիայի կառավարման և բովանդակության ստեղծման ուղեցույցներ։

4. Սոցիալական մեդիայի և հաղորդակցման ձևանմուշների (Templates) մշակում

Կատարողը պետք է մշակի կազմակերպության բրենդային ինքնությանը համապատասխան կիրառելի ձևանմուշների փաթեթ, ներառյալ՝

• սոցիալական մեդիայի հրապարակումների ձևանմուշներ,
• կարուսելային (պտտվող) հրապարակումների ձևանմուշներ,
• Պատմությունների (story-ների) ձևանմուշներ,
• միջոցառումների և հայտարարությունների ձևանմուշներ,
• տեղեկատվական քարտերի (infographics) ձևանմուշներ,
• մեջբերումների (quote cards) ձևանմուշներ,
• արշավների և հանրային նախաձեռնությունների գրաֆիկական ձևաչափեր,
• cover photo-ների և banner-ների ձևանմուշներ,
• շնորհանդեսների (PowerPoint/Google Slides) ձևանմուշներ,
• պաշտոնական փաստաթղթերի, նամակների ենթագրերի  և բրենդային նյութերի ձևաչափեր։

5. Համապարփակ հաղորդակցման ռազմավարության մշակում

Կատարողը պետք է մշակի կազմակերպության հաղորդակցման ամբողջական ռազմավարություն, որը կներառի կազմակերպության արտաքին և ներքին հաղորդակցման հիմնական ուղղությունները։

Ռազմավարությունը պետք է ներառի՝

• հաղորդակցման ռազմավարական նպատակների սահմանում,
• հաղորդակցման ռիսկերի և հնարավորությունների գնահատում,
• թիրախային լսարանների քարտեզագրում,
• յուրաքանչյուր լսարանի համար հիմնական հաղորդագրությունների մշակում,
• կազմակերպության դիրքավորման և հանրային ներկայացման ռազմավարություն,
• մեդիայի և հանրային կապերի ռազմավարություն,
• սոցիալական մեդիայի հաղորդակցման ռազմավարություն,
• թվային հաղորդակցման զարգացման ուղղություններ,
• գործընկերների և շահառուների ներգրավման հաղորդակցման մոտեցումներ,
• ճգնաժամային հաղորդակցման ուղեցույցներ,
• հաղորդակցման արդյունավետության գնահատման ցուցանիշներ և մեխանիզմներ։

6. Գործընկերների, դոնորների և միջազգային կառույցների հետ հաղորդակցման ուղեցույցների մշակում

Ռազմավարության շրջանակում պետք է մշակվեն նաև՝

• դոնոր կազմակերպությունների հետ հաղորդակցման սկզբունքներ,
• միջազգային կազմակերպությունների հետ հաղորդակցման մոտեցումներ,
• գործընկեր կազմակերպությունների հետ հաղորդակցման չափորոշիչներ,
• պետական և տեղական ինքնակառավարման մարմինների հետ հաղորդակցության սկզբունքներ,
• համայնքների և շահառուների հետ հաղորդակցության ուղեցույցներ,
• պաշտոնական նամակագրության չափորոշիչներ,
• էլեկտրոնային նամակների (Email Communication) ձևաչափեր և կաղապարներ,
• պաշտոնական դիմումների և գրությունների ձևանմուշներ,
• մամուլի հաղորդագրությունների, հայտարարությունների և պաշտոնական հաղորդագրությունների ձևանմուշներ։

7. Բովանդակության ռազմավարության մշակում

Կատարողը պետք է մշակի բովանդակության ստեղծման և կառավարման ուղեցույց, որը կներառի՝

• բովանդակային հիմնական ուղղություններ,
• կազմակերպության գործունեության ոլորտներին համապատասխան թեմատիկ շրջանակներ,
• կայքի, սոցիալական մեդիայի և այլ հարթակների համար բովանդակության տեսակներ,
• հաջողության պատմությունների (Success Stories) ներկայացման ուղեցույցներ,
• ազդեցության պատմությունների (Impact Stories) ներկայացման մոտեցումներ,
• շահառուների պատմությունների ներկայացման չափորոշիչներ,
• լուսանկարների և տեսանյութերի օգտագործման քաղաքականություն,
• տեքստային և տեսողական բովանդակության ստեղծման ուղեցույցներ,
• բովանդակության պլանավորման և կառավարման մեխանիզմներ։

Ակնկալվող արդյունքներ

Աշխատանքի ավարտին կազմակերպությունը պետք է ստանա՝

• Բրենդբուքի ամբողջական փաթեթ,
• Տեսողական ինքնության կիրառման ուղեցույց,
• Սոցիալական մեդիայի ռազմավարություն,
• Սոցիալական մեդիայի և հաղորդակցման ձևանմուշների փաթեթ,
• Համապարփակ հաղորդակցման ռազմավարություն,
• Դոնորների, գործընկերների և միջազգային կառույցների հետ հաղորդակցման ուղեցույցներ,
• Բովանդակության ռազմավարություն և կիրառման ուղեցույց,
• Իրականացման համար գործնական առաջարկությունների փաթեթ։

Պահանջվող որակավորումներ

Թեկնածուները պետք է ունենան՝

• հաղորդակցման, հանրային կապերի, մարքեթինգի կամ բրենդինգի ոլորտում առնվազն 3 տարվա աշխատանքային փորձ,
• բրենդբուքերի և հաղորդակցման ռազմավարությունների մշակման ապացուցելի փորձ,
• սոցիալական մեդիայի ռազմավարությունների մշակման փորձ,
• քաղաքացիական հասարակության կազմակերպությունների, միջազգային ծրագրերի կամ զարգացման ոլորտում աշխատանքի փորձը կդիտվի որպես առավելություն,
• ռազմավարական մտածողության և վերլուծական աշխատանքի հմտություններ,
• հայերեն և անգլերեն լեզուների գերազանց իմացություն։

Դիմելու կարգ

Հետաքրքրված թեկնածուները պետք է ներկայացնեն՝

• տեխնիկական առաջարկ,
• գնային առաջարկ,
• ինքնակենսագրական (CV) կամ կազմակերպության ներկայացում,
• նմանատիպ աշխատանքների պորտֆոլիո,
• առնվազն 2-3 իրականացված նմանատիպ նախագծերի օրինակներ։

Փաստաթղթերը պետք է ուղարկել rightsidengo@gmail.com հասցեին՝ նամակի թեմայում նշելով.

«Բրենդբուքի, սոցիալական մեդիայի և հաղորդակցման ռազմավարության մշակում»

Դիմումների ընդունման վերջնաժամկետ՝ 01.08.2026

Կապ կհաստատենք միայն նախնական ընտրացուցակում ընդգրկված թեկնածուների հետ։