Կառավարությունը ընդունեց ՀՀ-ում գենդերային քաղաքականության իրականացման 2025-2028 թթ․-ի ռազմավարությունը և միջոցառումների ծրագիրը:
Այսօր՝ ապրիլի 23-ին, ՀՀ կառավարությունը հաստատեց ՀՀ գենդերային քաղաքականության իրականացման 2025-2028 թվականների ռազմավարությունը և ուղեկցող միջոցառումների ծրագիրը։
«Իրավունքի կողմ» իրավապաշտպան հասարակական կազմակերպությունը ողջունում է այս կարևոր որոշումը՝ որպես պետական պարտավորության անհրաժեշտ քայլ գենդերային հավասարության ապահովման և խտրականության հաղթահարման ուղղությամբ։
Սակայն, ի լրումն ռազմավարական փաստաթղթերի ընդունման, անհրաժեշտ է ընդունել իրավահավասարության մասին օրենք, որն ուղղակիորեն կներառի գենդերային ինքնությունը և սեռական կողմնորոշումը՝ որպես խտրականությունից պաշտպանող հատկանիշներ և կհաստատի մարդու իրավունքների պաշտպանության օրենսդրական հստակ երաշխիքներ։
Սա կարևորագույն քայլ է՝ ապահովելու համար բոլոր մարդկանց, ներառյալ ԼԳԲՏԻՔ+ անձանց, լիարժեք մասնակցությունը հասարակական կյանքի բոլոր ոլորտներին՝ առանց վախի, խտրականության և բռնության։
«Իրավունքի կողմ» ՀԿ-ն շարունակելու է հետևել ռազմավարության իրականացմանը, լսելի դարձնել ԼԳԲՏԻՔ+ համայնքի ձայնը և խթանել պետության հաշվետվողականությունը մարդու իրավունքների պաշտպանման գործում։
Նվիրաբերելով դուք դառնում եք ՏՐԱՆՍ ԼԳԲԻՔ մարդկանց կյանքի և իրավունքի պաշտպանության համախոհ
